IPL आणि IPL

परवाच्या पेपरच्या आधी 10 मिनिटे शेवटच्या बाकावरचा राहुल्या त्याच्या पुढच्या बाकावरच्या पव्या ला म्हणतोय कसा "सॅमसन काय खेळतोय नाय?. आता सिनसिअर पव्या ला 'सॅमसंग' ही इलेक्ट्रॉनिक्सची कंपनी फक्त माहित.  म्हणून मला डिवचून पव्या म्हणतोय कि " हा सॅमसन कोण रे? तोपर्यंत शेजारची सायली म्हणते " त्यासाठी पुस्तक सोडून दुसरीकडे पण लक्ष द्यावे लागते". त्यावर पव्या म्हणतो अशा महत्वाच्या वेळी कसं सुचत रे तुम्हाला.....
            पण या सिनसिअर पव्या ला कोण सांगणार IPL पण गंभीर आणि महत्वाचा  विषय आहे. तसही भारतात क्रिकेट हा एक स्वतंत्र धर्मच आहे. आणि त्यात IPL चा हा high voltage धमाका म्हणजे क्या बात..!! 10 वर्षापूर्वी सुरु झालेला क्रिकेट चा हा उत्सव आजही तितकाच लोकप्रिय व कौतुकाचा विषय आहे. लहानापासून मोठ्यांपर्यंत आणि अगदी सायली सारख्या क्रिकेट हा मुलांचा खेळ मानणाऱ्या मुलींच्यापर्यंत सगळ्यांच्या पसंतीला IPL खरे उतरले आहे. 2008 ला ज्यावेळी IPL ची सुरुवात झाली त्यावेळी ते इतके लोकप्रिय होईल असे फारसे कोणाला वाटले नसावे पण Opening Match   मध्ये मैकलम ने 158 रन धुतल्या होत्या. तो IPL चा ट्रेलर होता आणि त्यानंतरचा सिनेमा आजतागायत सुपरहिट आहे. या 10 वर्षात दुसऱ्या कुठल्या क्रिकेट स्पर्धेपेक्षा एप्रिल आणि मे मध्ये येणाऱ्या IPL ची वाट जास्त प्रेक्षक बघतात. 
              तसं बघायला गेलं तर 'क्या कुछ नही है IPL में... बडे प्लेअरस है, बडे ओनर्स है, लंबे लंबे सिक्स है, बडे बडे विकेट्स है, प्लेअरस् के बीच बॅटल है, ड्रामा है, बॉलीवूड का तडका है, चिअरगर्ल्स का एंटरटेनमेंट है, और क्या चाहिये। सचिन पासून चहल पर्यंत, धोनी पासून स्मिथ पर्यंत आणि शेन वॉर्न पासून जॅक कॅलिस पर्यंत जगभराच्या क्रिकेट विश्वातील प्रत्येक नाव वेगवेगळ्या रोल मध्ये IPL शी जोडले गेले आहे. सध्या सारे क्रिकेट विश्व IPL मध्ये एकवटलेले आहे.
          या वर्षी तर IPL चे 10 वे वर्ष '10 साल आपके नाम' या थीम वर जल्लोष. या वर्षीचे IPL गाजतंय आणि अजून धडाक्यात गाजणार कारण स्मिथ, AB.D, कोहली, धोनी, रैना, रोहित, जहीर, गंभीर, मैकलन, मॅक्सवेल, युवराज, सुनील नारायण, बुमराह, मलिंगा ,उमेश यादव यासारखे क्रिकेटचे जादूगार मैदानात आहेत. IPL मध्ये प्रत्येक टीम ला support करणाऱ्या फॅन ची संख्याही अफाट आहे. हा support प्रांतवार नसून खेळाडूसाठी आणि आपल्या आवडत्या खेळासाठी केला जातो.' आमचा अर्धा ग्रुप फक्त विराट साठी आणि AB.D साठी  RCB ला support करतो'.
          T-20 फक्त बॅट्समन चा खेळ नसून बॅटिंग, बॉलिंग, आणि फिल्डिंगचा overall performance आहे हे IPL ने दाखवून दिले. कारण जेथे 120 बॉल मध्ये 200 रन निघतात, 12 मैच मध्ये 174 सिक्स मारलेत तेथे शुक्रवार च्या दोन मैच मध्ये 2 हॅट्रिक पण बघायला मिळाल्या.
           IPL ने क्रिकेट ला खूप काही दिले. स्थानिक खेळाडूंना international प्लँटफॉर्म दिला. खेळाची संधी दिली आणि यातूनच भारतीय क्रिकेटला भविष्यातले आश्वासक खेळाडू दिले. वृषभ पंत, कुलदीप यादव, यजुवेंद्र चहल, बुमराह या सारखे आश्वासक खेळाडू IPL चे प्रॉडक्ट मानावे लागतील. 'सैराट' मधल्या 'बिटरगाव प्रीमिअर लीग' प्रमाणे आता गावोगावी व शहर स्तरावर अशा प्रीमिअर लीग  भरू लागल्या आहेत व यातून नवीन खेळाडूंना संधी व प्रोत्साहन मिळते हे IPL चे यश आहे.
          बाकी काहीही असो 'IPL का आगाज इतना शानदार है तो अंजाम तो उससे भी शानदार होगा।' 'सत्या' चित्रपटात मनोज वाचपेयी चा एक फेमस डायलॉग होता. मुंबई का किंग कौन?......तसा सध्या एंटरटेनमेंट का किंग कौन?.....IPL सिर्फ IPL.....

शानदार शबाना.

नमस्ते दोस्तांनो....
      कस काय मग.... Entertainment  चा डोस IPL जोरात सुरु झालाय की.... पण या IPL आणि Exam यांच्या मध्ये आपली अवस्था त्या पिजऱ्यात अडकलेल्या उदारासारखी झालीय. IPL रुपी शेंगा दिसतात पण खाता येत नाहीत. आपली सगळी धडपड परीक्षारुपी पिजऱ्यातून बाहेर पडण्यासाठी चाललीय. आणि यातच आपली दमछाक झालीय. आणि त्यातून घरातले तर असे बघतात कि त्यांनी आपला नादच सोडलाय.
            अशा सगळा  आणीबाणीचा प्रसंग असला तरी पिक्चर ला पर्याय नाही. या सगळ्या धामधुमीत कट्ट्यावर तीन चित्रपटाची चर्चा आहे. 'नाम है शबाना', 'पूर्णा' आणि मराठी 'ब्रेव्हहार्ट'. तसे शबाना आणि पूर्णा हे स्त्री शक्तीचे कौतुक करणारे सिनेमे.
            आमच्या ग्रुप मधला विक्या अक्षय कुमारचा जबरा फॅन , त्याला कुणीतरी सांगितले की 'शबाना' हा 'बेबी' सिनेमाचा प्रिक्वेल आहे.म्हणून हा First day First show ला गेला पण येताना शबानाचा म्हणजे तापसी पंन्नूचा फॅन होऊन आला. मग काय चार दिवस जाईल तिथे विक्या शाबनाची स्टोरी सांगत होता. 'नाम है शबाना' हा पूर्ण पणे तापसी वर आधारित सिनेमा. वेन्सडे, स्पेशल 26, बेबी यासारखे हटके चित्रपट देणाऱ्या नीरज पांडे चा सिनेमा, एखाद्या व्यक्तीला घेऊन तिची बॅकस्टोरी सांगण्याचा  नवा प्रयोग, शबाना, तिची आई, तिचे आयुष्य आणि अचानक झालेला बदल या भोवती फिरणारा सिनेमा. यात अधून मधून तापसी बरोबर मनोज वाचपेयी दिसतो. शिवाय अक्षय कुमार अनुपम खेर, डॅनी हे सगळे दिसण्यापूरतेच दिसतात. पूर्णपणे Action पॅक सिनेमा.पहिल्या पासून आपल्याला खिळवून ठेवणारा. व्हायोलिन वर वाजणारी ट्यून अंगावर काटा आणते.संकलन, अभिनय, छायांकन, पार्श्वसंगीत या सर्वच पातळीवर शबाना शानदार आहे.
               असाच रोमांच उभा करणारा दुसरा सिनेमा म्हणजे 'पूर्णा'. यशोशिखराच्या ध्यासाची गोष्ट म्हणजे पूर्णा. तेलंगणाच्या आदिवासी भागातून येऊन वयाच्या 13 व्या वर्षी जगातील सर्वोच्च शिखर एव्हरेस्ट सर केलेल्या पूर्णा मालावतच्या संघर्षाची सच्ची कहाणी. आदिवासी पाडा ते एव्हरेस्ट असा Larger than life प्रवास  अगदी सध्या पद्धतीने राहुल बोस ने मांडला आहे. राहुल बोस ला आपण गुणी अभिनेता म्हणून ओळखतोच त्याच बरोबर पूर्णाची भूमिका अदिती इनामदारने जगली आहे. बायोपिक असल्याने काही हँप्पनिंग नाही पण यशाची स्टोरी साध्य व वेगळ्या पद्धतीने नक्कीच बघायला मिळते.
       या दोन हिंदी चित्रपटात एक मराठी चित्रपट भाव खातो तो म्हणजे  'ब्रेव्हहार्ट जिद्द जगण्याची' ज्याला चित्रपटातला आणि जगण्यातला आनंद कळतो त्याच्यासाठी ट्रीट. कारखानीस बापलेकाची सत्यकथा. असाध्य रोगाने जखडलेला मुलगा व त्याच्यासाठी धडपडणारा बाप याची कहाणी. अरुण नलावडे व संग्राम समेळ याच्या अभिनयाने रंगलेला 'ब्रेव्हहार्ट'. सिनेमा सत्यकथेवर आधारित असल्याने रंजकता नाही पण तरीही मनाला स्पर्श करणारा आहे. जगण्यावर प्रेम करणाऱ्या जिंदलील लोकांनी पाहायला हवा असा.....
      बाकी काही हि झाला तरी आपला सिनेमाचा नाद आहेच. शिवाय IPL आहे आणि Exam चा हत्ती जाऊन शेपूट राहिलंय So Enjoy......

बाहुबली

परवा सरांनी maths च्या लेक्चर मध्ये प्रश्न विचारला "What is the formula of simple interest". तर ते मागच्या बाकावरचं सम्या जे कायम maths च्या लेक्चर ला झोपणारं गडबडीने उत्तर दिलंय ' P×R×T divided by 100.  हे.. हे... हे..... सर पण चाटच पडले. नंतर आम्हाला कळलं की सम्याची ही अॅक्शन 'बद्रीनाथ की दुल्हनिया' पिक्चर ची रिअॅक्शन होती.
             दहावी शिकलेला पण सावकारी करणाऱ्या श्रीमंत बापाचा मनानं भोळ पण उचापती करणारं पोरगं बद्रीनाथ. स्वतःच्या श्रीमंती व दिसण्यावर अति गर्व असणारा बद्री. याच्या उलट असणारी वैदेही, ठाम, confident, करियर ला महत्व देणारी. सुरुवातीला नाकार आणि मग याच्या प्रेमाची लव्हस्टोरी. फुल्ल बॉलीवूड मसाला चित्रपट.
           वरुण-आलिया ची हिट जोडी, दोघांची प्रचंड energy, झकास background music, रिलीज पूर्वीच गाजलेली अमाल मलिक, तनिष्क बागची, आणि अखिल सचदेव ची कडक गाणी,  त्यावर मसालेदार डायलॉग जे लक्षात राहून सहज वापरता येतील असे. 'काल कॅन्टीन मध्ये गेल्यावर उधारीवर चहा मागितल्यावर कॅन्टीन मालकाचा चेहरा बघून आमच्या ग्रुप चा अँडमिंन सच्या म्हणतो " तुम्हारी मानसिक इस्थिती आज गडबड लग रही है। हम कल आते है।" इतके सहज वापरता येणारे संवाद...... जबरदस्त शूटिंग आणि रोमँटिक स्टोरी, फुल टू मसाला मूवी. डोक्याला शॉट न लावता बघण्याचा सिनेमा...
          पण भावांनो या सगळ्यापेक्षा आत्ता हवा आहे ती बाहुबली 2 ची. नुसता ट्रेलर आलाय तर ही अवस्था पिक्चर ला तर विषयच सोडा.. वर्ल्ड क्लास सेट्स, high class तंत्रज्ञान, जिवंत अॅक्शन, प्रभास चा लुक आणि  कटप्पाने बाहुबली का मारले? या आंतरराष्ट्रीय प्रश्नाचे उत्तर मिळणार.. या सर्वामुळे बाहुबली 2 चर्चेत आहे.
        Youtube वर बहुबली 2 चा ट्रेलर धुमाकूळ घालतोय. मागचे सगळे रेकॉर्ड मोडीत काढून बाहुबली 2 चा ट्रेलर हिट झालाय. शेवटच्या पेपर होण्याची जेवढी वाट  बघितली नसेल तेवढी वाट बाहुबली 2 ची बघातायत आणि आतापासून 'फर्स्ट डे फर्स्ट शो ' चे प्लॅंनिंग सुरु झालय...
          त्यामुळे सध्या तीनच गोष्टीची चर्चा सुरु आहे Exam, IPL आणि बाहुबली 2........
                                            जय माहिष्मती.

यश...

📝 माणूस अपयशी झाला की एकटाच होतो...
            आणि यशस्वी होतो तो भाऊ-बहीण, मावशी-आत्या, काका-काकी, शेजारी-पाजारी, कुलकर्णी काका, शेजारची आजी, कोपऱ्यावरचा दुकानदार, पेपरवाला, बालवाडीचा दोस्त, शाळा कॉलेज ची इमारत आणि चौकातल्या कुत्र्यां-मांजरींसोबत...

तुम्हीही Club Ninety-nine चे Member आहात काय ?....

तुम्हीही Club Ninety-nine चे Member आहात काय ?....

                               एक जमीनदार असतो. श्रीमंत, भरपूर जमीन, नोकर चाकर दिमतिला, शेत पिकांनी भरलेली, अण घरात धान्याची रास. पण त्याचे उद्दिष्ट मोठे असते त्याला अधिक शेत, उत्पन्न व पैसा हवा असतो.
त्याच्या मोठ्या शेताशेजारी एक अल्पशी शेती असणारा एक गरीब शेतकरी असतो. कसे बसे पोट भरेल इतपत उत्पन्न , आपली पत्नी व मुलगा यांच्या सोबत आनंदात व समाधानात जीवन जगत असतो.
हे पाहून जमीनदाराला थोड़े आश्चर्य अणं हेवा जास्त वाटतो. तो आपल्या लेखनिकाला बोलावतो व घडलेला प्रसंग सांगतो व दोघातील फरकाचे कारण विचारतो. लेखनिक हुशार असतो तो म्हणतो मी सांगितले तर पटणार नाही मी सिद्ध करुन दाखवतो. लेखनिक सांगतो तुम्ही सोन्याच्या 99 नाण्यानी भरलेली थैली गरीब शेतकऱ्यांच्या घरी ठेवा व बघा तुमच्या प्रश्नाचे उत्तर मिळेल.
                                सकाळी उठल्यावर त्या गरीब शेतकऱ्याला ती सोन्याची थैली सापड़ते. तो अतिशय आनंदी होतो. त्या थैलीतील नाणी मोजू लागतो. नाणी 99 भरतात त्याला प्रश्न पड़तो 100 वे नाणे गेले कुठे. तो घरात,अंगणात, व आसपास शोधू लागतो पण त्याला काही ते 100 नाणे सापडत नाही. त्याची काळजी वाढते. तो ती थैली घरात कोणालाही न दाखवता जमिनीत पुरुन ठेवतो व त्या ऐका नाण्याचा विचार करतो, त्याचे कामात लक्ष लागत नाही. प्रत्येक ठिकाणी त्याला सोन्याची नाणी दिसू लागतात.
                                  तो शेतकरी आता दुसर्याच्या शेतात काम मागायला जाऊ लागला. तिथेही जास्त काम करू लागला, घरात बायको, मुलगा यांच्या सोबत वेळ घालवण्यापेक्षा अधिक काम करून अधिक पैसे मिळवू लागला, रात्री समाधानाने झोपी जाणारा शेतकरी आता त्या एका सोन्याच्या नाण्याच्या विचारात रात्रभर जागु लागला.
हे सर्व जमीनदार व लेखनिक पाहत होते. यावर लेखनिक म्हणाला, शेतकरी पण आता तुमच्यासारखा Club Ninety-nine चा member झाला आहे. आधी तो सुखी होता आता त्याला त्या 99 नाण्यापेक्षा एका नाण्याचे महत्व अधिक वाटून त्याने आपले सर्व स्वास्थ्य घालवले आहे. पूर्वीचा आनंद, समाधान हे सर्व त्याने 'थोड़ा और चाहिए' साठी घालवले आहे.
                                 या गोष्टीचे तात्पर्य आपल्यालाही कमी-अधिक प्रमाणात लागू होते. 'थोड़ा और''थोड़ा और' करत आपली पण अवस्था त्या शेतकरी व जमीनदारासारखी होते. जीवनाचा आंनद घेण्याऐवजी आपण फ़क्त कमावण्यासाठी जगतो. शिक्षण झाले की नोकरी, नोकरी झाली की घर, गाड़ी, प्लाट, प्रोपर्टी या सगळ्यात इतके गुरफटून जातो की जगण्याच्या खऱ्या आनंदाला विसरतो. आपले मित्र, कुटुंब, छंद, आवडी या सगळ्या गोष्टी option ला जातात आणि आपल्या आयुष्याचे गणित चुकत जाते.सर्व भौतिक सुख असून सुद्धा आपण मात्र आतून समाधानी राहत नाही. मनात सारखी हुरहुर , बोचनी लागून राहते सगळे असूनही आपल्याला कशातच मनापासून आंनद मिळत नाही. सगळ्या गोष्टी फ़क्त दाखवण्यापुरत्या मर्यादित राहतात व आपल्याला मात्र काहीच उपयोगी पडत नाही.
                                 मग शेवटी आपल्याला साक्षात्कार होतो......

" जिंदगी तो जीने के लिए मिली थी,

हमने थोड़ा और थोड़ा और करके गुजार दी।"

----------------------------------------------------------------------------------------------------------------------------

🖊संदिप.....

9730410154

sandip.koli35@gmail.com

युवक Youth

आज 12 जानेवारी राष्ट्रीय युवक दिन स्वामी विवेकानंद यांचा जन्मदिवस......
                            लाथ मारेल तिथे पाणी काढणाऱ्या वयोगटाचा दिवस, आकाशाला गवसणी घालणारी स्वप्ने कवेत घेऊन फिरणाऱ्या जिंदादिल लोकांचा समूह, कोणालाही न जुमानता आपल्या गोष्टी खऱ्या करणाऱ्यांचा गट, आपल्या कर्तृत्वाने दुनिया को अपने कदमो के निचे लेनेवालो का समूह, प्रत्येक राष्ट्राच्या जडणघडणी मधील महत्वाचा स्तंभ........
                            पण खरंच असे आहे का? आपल्या आजूबाजूची परिस्थिती काय सांगते? Each coin has two sides तसे सळसळत्या तरुणाईचे हि दोन पैलू नक्कीच आहेत. एक बाजू समाजाला lead करणारी तर दुसरी बाजू समाजाला विचार करायला लावणारी. तसे बघायला गेले तर ह्या दोन्हीही पैलुला आपल्या सभोवतालचे वातावरणच कारणीभूत ठरते.
                              मी, आपण या तरुणाईचा भाग आहोत. या पिढीचा एक प्रतिनिधी म्हणून मला एक गोष्ट प्रकर्षाने जाणवते ती म्हणजे आपल्या समोर समाज चुकीचे आदर्श समोर करतो. आपला समाज विचारापेक्षा पैशाला, आचारापेक्षा दिसण्याला व प्रत्येक्षापेक्षा आभासाला जास्त महत्व देतो. थोडक्यात आपल्या समाजात 'असण्यापेक्षा दिसण्याला' जास्त महत्व आहे. याचा Direct खूप मोठा व विपरीत परिणाम तरुणावर होतोय. त्याच्यामध्येही असण्यापेक्षा दिसण्यावर भर दिला जातोय. तरुणाईने आपल्या सभोवती असे आभासी जग निर्माण केले आहे.
                              "काय भुललासी वरलीया रंगा" असे पटवून सांगणाऱ्या तुकारामाच्या सारख्या जिवंत विचाराच्या पायावर भक्कम समाज उभे राहणे हि काळाची गरज आहे. वैचारिक मूल्याचे अधिष्टान निर्माण करून चांगले आदर्श व त्याचे विचार याची मालिका तरुणासमोर उभी करणे ही काळाची गरज आहे. अल्फेड नोबेल ने 'डायनामाईट' चा शोध चांगल्या हेतूने लावला होता पण प्रत्यक्ष वापर विघातक झाला. त्याप्रमाणे तरुणांच्यात असणाऱ्या Potential चा वापर कसा करायचा हे त्याच्या भोवती असणारे वातावरण, सहवास थोडक्यात समाजावर अवलंबून असते.
                                  म्हणून आजच्या या दिवशी तरुणांना व मनाने तरुण असणाऱ्याना सर्वाना थोड्याशा वैचारिक शुभेच्छा

---------------------------------------------------------------------------------------------------------------------------
संदिप कोळी 

9730410154

sandip.koli35@gmail.com

फ्रेंडशिप डे Friendship Day

फ्रेंडशिप डे....

           " रफ्तार कुछ जिंदगी की यू बनाये रखी हैहमने..कि

दुश्मन भले आगे निकल जाए पर दोस्त कोई पिछे ना छुटेगा"

                      ' मैत्री' दोनच अक्षरे..... पण उजळणी करायला घेतली तर शब्दाच्या मर्यादा स्पष्ट जाणवतील असं नातं.... पण नातही नाही म्हणता येणार कारण नात्यासारख नियम आणि अटी लागु असे Tag नसतात या मैत्रीला.... त्यामुळे मैत्री ही मैत्रीच No Sorry No Thank you म्हणनारी पण प्रत्यक्षात त्याच्या शिवाय एक दिवस ही न घालवणारी. 

                    आपल्या जन्माबरोबर अनेक गोष्टी आपल्याला प्राप्त होतात. नातीही त्यातलीच एक बाब. पण ती आपण नाही निवडु शकत मात्र मैत्री ही मात्र आपल्याला मिळालेली देणगी  म्हणावी लागेल कारण त्यातला प्रत्येक Choice आपला असतो. आपला मित्र/ मैत्रीण कोण असावे हे मात्र आपणच ठरवतो. 

               सुदामा ने कृष्ण से पुछा “दोस्ती” का असली मतलब क्या है ? कृष्ण ने हंसकर कहा जहाँ “मतलब” होता है, वहाँ दोस्ती कहाँ होती है !

               मैत्रीला नात्याच बंधन नसते ना वयाचे बंधन नसते. मैत्री कोणाची, कोणाशी व कधी व्हावी याचे जगात काही नियम वा बंधने नाहीत. अटी आणि नियमांच्या पायावर मैत्रीची इमारत कधी उभी राहत नाही हे नातं अलगद उमलनारे व जीवनाचा अविभाज्य भाग बनणार.  

            सॉक्रेटिसची गोष्ट आपण नक्की वाचली असेल ' ट्रिपल फ़िल्टर ची'

                        सॉक्रेटिसकड़े एक व्यक्ति आला व त्यांना सांगू लागला. तुम्हाला माहित आहे काय तुमच्या जिगरी दोस्ताबद्दल आज मी काय ऐकलय ते........ सॉक्रेटिस म्हणाले एक मिनिट थांब तू मला जे काही सांगणार आहेस त्या पूर्वी मी एक टेस्ट घेऊ इच्छितो. तू मला माझ्या मित्रा्बद्दल सांगत आहेस तेहि मला माहित नसलेले कदाचित् तुझा हेतु चांगला असेल पण मला त्या गोष्टि पडताळून बघू दे म्हणजे योग्य गोष्ट माझ्या हाती लागेल आणि ही टेस्ट आहे ट्रिपल फ़िल्टर टेस्ट....... पहिल्या टेस्ट च नाव आहे सत्य..... तू जे मला सांगणार आहेस ते 100% सत्य आहे त्याची तुला खात्री आहे काय? ..... गृहस्थ म्हणाला नाही... ख़र तर ते फ़क्त माझ्या कानावर आले आहे......... सॉक्रेटिस म्हणाला ठीक आहे दूसरी टेस्ट आहे चांगुलपणा.... माझ्या मित्रबद्दल जी गोष्ट तुला मला सांगायची आहे ती चांगली आहे काय? गृहस्थ म्हणाला नाही मी तर...... यावर सॉक्रेटिस म्हणाला तू मला माहिती सांगावीस की नाही यासाठी आणखी एक टेस्ट आहे तिसरी.... तिच नाव आहे उपयोगिता....  माझ्या मित्राबद्दल सांगणाऱ्या गोष्टीचा मला काही फायदा आहे का? ....... नाही 100% नाही तो गृहस्थ उत्तरला.....

                     यावर सॉक्रेटिसने दिलेले उत्तर खूप सुंदर आहे. तो म्हणाला माझ्या मित्राबद्दल जे सांगणार आहेस त्याच्या सत्यतेबद्दल तुला खात्री नाही,  ती गोष्ट चांगली नाही व तिचा मला काही उपयोग नाही तर ते मला कशासाठी सांगतोस.....

          मैत्री अशी असते ' दुनिया से निराली दुनिया से अलग' व्याख्येत न बसनारी पण प्रत्येकाला आपलिशी करणारी.....

   ' Friendship doesn't happen with special people.

People become special after becoming friends'

                         मग मैत्री काय असते कट्टयावरच्या गप्पा मैत्री असते..... कॉलेज मधे चहाच्या टपरीवर कटिंग साठी पैसे देण्यासाठी लावलेले नंबर मैत्री असते...... आठ बिस्किट 5 जणात भांडून वाटून घेणे मैत्री असते..... कॉलेज च्या बस स्टॉप वर बसून तासभर गप्पा मारणे मैत्री असते..... मिसकॉल देणे व घेणे मैत्री असते...... कॉलेज मधे ठरलेल्या जागी बसने मैत्री असते...... पुढच्या बाकावर बसलेल्या मित्राने केलेला जोक मागे न सांगता जोरात हसने मैत्री असते..... पेपरला जाताना भावा खरच अभ्यास झाला नाही असे म्हणणारा मित्र पेपर झाल्यावर ज्या वेळी म्हणतो या वर्षी विषय राहतोय त्यावेळी तू पास तर हो मग दाखवतो असे म्हणनारी मैत्री असते......

                       सुखात सोबत असते पण अडचणीत व दुःखात भक्कमपणे उभी राहते ती मैत्री असते..... प्रत्येक गोष्टीत आपले मत नोदवनारी मैत्री असते.....यशात आपल्याला खांद्यावर घेऊन फिरते तर अपयशात आधाराचा खांदा बनते ती मैत्री असते...... सरळ वाटेने जाताना सोबत चालते ती मैत्री असते मात्र वाट वाकड़ी झाल्यावर आपल्याला आपल्या चुकीची जाणीव करुण देते ती मैत्री असते...... मैत्री म्हणजे आधाराची कुबड़ी नव्हे तर जगण्याची सोबत असते......

                      Friendship day च्या नावावर कितीही मतभेद असले , आरड़ाओरड़ा केला तरी आपल्या जगण्याला उत्सवाचे कोंदण हवे असते आणि असे काही खास क्षण जगण्याला उभारी देतात...अशाच जीवाभावाच्या  मित्रासाठी जे सोबत आहेत, तर ज्याची सोबत काळाच्या पड़दयामुळे दुरावलेल्या तर काही अंतराच्या दुराव्यात अड़कलेल्या व काही कामच्या नादात व्यस्त झालेल्या अशा सर्व मित्राच्या गोड़ आठवणीसाठी व मैत्रिसाठी......

----------------------------------------------------------------------------------------------------------------------------------------------------------------------------------------------------------------------------------------

संदिप कोळी

9730410154

sandip.koli35@gmail.com