हाय फ्रेंड्स, संपली कि नाही सुट्टी, संपल्या असतील म्हणा, काही जणांचे तर रेग्युलर रुटीन चालूही झाले असेल. तुळशीची लग्न हि लावून झाली म्हणजे ऑफिसिअल दिवाळी सण हि संपल्याचे जाहीर झाले. घरातले लाडू, चकल्या, करंज्या, चिवडा, संपला असेल. आता फक्त दिवाळी फराळाचे जोक तेवढे सोशल मीडिया वर फिरत आहेत. बाकी वर्षातला सर्वात मोठा व आनंदाचा सण आपण तितक्याच आनंदाने आणि उत्साहाने साजरा केला आहे. या दिवाळीत आपण आपल्या आवडीच्या गोष्टी केल्या असतील शिवाय इतरांना आवडणाऱ्या गोष्टीही या सणांच्या निमित्ताने आपण नक्कीच केल्या असतील.
दीपावलीच्या या धामधुमीत इंटरटेन्मेण्टचा पण मोठा धमाका आपल्यासाठी होता. सर्व चार चाकी गाडयाचे ब्रँड अँबेसिटर रोहित शेट्टीचा गोलमाल चार हा धमाल कॉमेडी सिनेमा ऐन दिवाळीत आपल्यासाठी ट्रीट होता. सहकुटुंब-सहपरिवार व आपल्या मित्र-मैत्रिणीसह निव्वळ विनोद व मनोरंजनासाठी सणातील महत्वाचा भाग होता. भली मोठी स्टार-कास्ट असलेल्या या सिनेमाने आपले मनोरंजन नक्की केले असेल. या शिवाय या दिवाळीत आणखी एका सिनेमाची विशेष चर्चा झाली तो म्हणजे आपल्या मराठमोळ्या रितेश देशमुखचा "फा फे " "फास्टर फेणे". तशी भागवतांचा हा फास्टर फेणे अवांतर वाचनाच्या पुस्तकातून आपल्या भेटीला पूर्वीच आला आहे. तो आता सिनेमाच्या रूपाने मोठ्या पडदयावर अवतरला. रहस्यपट असलेला हा सिनेमा अमेय वाघ आणि गिरीश कुलकर्णी यांच्या अभिनयाने अधिक खुलून जातो. साधा सोपा रहस्य पट आपल्याला सहज आवडून जातो. दिवाळीच्या सुट्टीच्या निमित्ताने हि मनोरंजनाची मोठी भेट होती याचा आस्वाद आपण नक्कीच घेतला असणार.
या शिवाय क्रिकेटची मेजवानी सुरु आहेच कि, भारत-न्यूझीलंड एक दिवसीय मालिकेतील भारताच्या मालिका विजयानंतर T-२० ची मालिका रोमांचक स्थितीत आली आहे. सुट्टीत याचाही आनंद आपण घेतला असेल व घेत आहोत. या सर्व मनोरंजनाच्या व्यस्त कार्यक्रमानंतर आपल्या मूळ कामाकडे प्रत्येक जण वळलेला आहे. मनावरचा व डोक्यावरचा थोडासा थकवा या सणाच्या निमित्ताने झटकून प्रत्येक जण बॅक इन ऍक्शन आला आहे.
या वर्षीची दिवाळी लवकर आल्याने आपल्या परीक्षा झालेल्या नव्हत्या त्यामुळे सध्या ओढ फक्त परीक्षेचीच लागलेली आहे. काही जनाची तर अवस्था " दर्द दिलो के कम हो जाते अगर हमारे पेपर दिवाळी के आधीच हो जाते" पण सध्या कॉलेज कॅम्पस परीक्षेच्या वातावरणाने फुलले आहे. नोट्स, पुस्तके, झेरॉक्स शोधून शोधून रट्टा मारायचे एकमेव लक्ष सध्या कॉलेज यंगस्टर च्या समोर आहे. त्यामुळे सध्या 'एकच ध्यास खुळ्यागत अभ्यास ' हे एकमेव ब्रीद वाक्य घेऊन तरुणाई अभ्यासाच्या मागे लागली आहे. बच्चे कंपनीही शाळेतल्या वातावरणात रमू लागले आहेत.
या सर्वात एक गमतीदार अनुभव म्हणजे शुक्रवारी व्हाट्सअप चक्क तासभरासाठी बंद होते. अनेक जणांना काही तरी चुकल्यागत नक्कीच जाणवले असेल. पण असो त्या एका तासाने आपण सोशल मीडिया वर किती अवलंबून आहोत याची जाणीव करून दिली.
सो फ्रेंड्स परीक्षा असणार्यांसाठी बेस्ट लक आणि बाकीच्यांसाठी बॅक टू वर्क
-------------------------------------------------------------------
संदीप कोळी
No comments:
Post a Comment