जागर स्त्री-शक्तीचा

📝 जागर स्त्री-शक्तीचा...
सर्वप्रथम आजपासून होणाऱ्या नवरात्री उत्सवाच्या शुभेच्छा.....
       👆पण वरचे चित्र बघितल्यावर मात्र अस्वस्थ व्हायला होते. शुभेच्छा आणि वास्तव यामध्ये भावनिक हेळसांड होताना दिसते. समाजात वावरताना माणूस दोन स्वतंत्र चेहरे आणि विचार घेऊन बिनधास्त वावरत असतो आणि आपल्या दोन्ही भूमिका तो जगत असतो.
          आपला देशात सणांचे महत्व खूप आहे आणि आपल्या प्रत्येक सण-समारंभात स्त्रियांचे महत्व आणि त्यांचा सहभाग जास्त असतो. आपली पुरुष प्रधान संस्कृती असूनही आपण स्त्रियांना देवीचा दर्जा दिलेला आहे. पण हे फक्त सण-समारंभासाठी इतर वेळी मात्र आपल्यातला राक्षस बाहेर येतो आणि या देवीला आपण कशाची किंमत देतो हे सर्वांना परिचित आहे. आणि हे का होते.... जी व्यक्ती आपल्या आईला सर्वोच्च स्थान दिते तिच व्यक्ती आपल्या पत्नीला मारहाण करताना अजिबात विचार करत नाही. जो भाऊ आपल्या बहिणीबाबत एकही वाईट शब्द ऐकून घेत नाही तो इतरांच्या बहिणीच्या बाबतीत कोणत्याही शब्दात वर्णन करतो. आपल्या मुलीवर जो वडील जीवापाड प्रेम करतो तोच तिच्या जन्माच्या वेळी मात्र तितका आनंदी नसतो. कामाच्या ठिकाणी स्त्री कर्मचाऱ्याला दिली जाणारी वागणूक आपल्याला विचार करायला लावते. याशिवाय समाजाचे स्त्री बद्दलचे मत गंभीर्याचा विषय आहे. खरे तर निसर्गातील सजीवाच्या निर्मितीत स्त्री-पुरुष ही सामान्य निर्मिती पण त्यांच्या रचनेत बरेच बदल आहेत.
           स्त्री ही अजिंक्य, अभेद्य, कनवाळू, पालनहरी, विरता, साहस, सुंदरता, धैर्य, रौर्द्र या नऊ गुणांनी संपन्न असते. या नवरात्रीमध्ये स्त्रीच्या नऊ गुणांची पूजा आपण करतो. पण हे फक्त नऊ दिवसापुरते न राहता कायम राहायला पाहिजे.
            स्त्री बाबतची आदराची भूमिका ही दाखवण्याची गोष्ट नसून ती आत्मसाद करण्याची गोष्ट आहे व हे ज्या वेळी शक्य होईल त्यादिवशी स्त्रीला खरा सन्मान मिळेल. त्यावेळी हा सन्मान नवरात्री किंवा काही दिवस दाखवण्यापूरता न राहता तो 365 दिवस राहिल.
        स्त्री ही हक्क गाजवण्यासाठी नसून हक्काने सोबत घेऊन जाण्यासाठी असायला हवी.
पुन्हा एकदा नवरात्रीच्या मनापासून शुभेच्छा💐💐💐
✒ संदीप....